Tirkiye
Otobusa ji Amedê diçû Stenbolê qeza kir: 2 mirî, 8 birîndar
Otobuseke rêwiyan a ku ji Amedê ber bi Stenbolê ve diçû, li ser Otobana Marmara ya Bakur piştî ku li astengên ewlehiyê xist, agir girt. Di qezayê de 2 kesan jiyana xwe ji dest dan û 8 kes jî birîndar bûn.
RûpelNews - Li gorî daxuyaniyek ji Parêzgariya Stenbolê, qeza 13ê Îlonê roja Yekşemê, derdora saet 18.40an, li ser Otobana Marmara ya Bakur qewimî.
Otobusa rêwiyan a ku ji Amedê diçû Stenbolê, piştî ku ajokar kontrola wesayîtê ji dest da, li astengên ewlehiyê xist. Li dû lêdanê, di otobusê de şewatek derket.
Piştî banga lezgîn, tîmên agirkujî û ambûlansê ji bo cihê bûyerê hatin şandin. Dema ku agirkujan agir vemirand, di qezayê de du kesan jiyana xwe ji dest dan.
8 kesên birîndar, ku rewşa yekî ji wan giran bû, piştî wergirtina alîkariya yekem, rakirin nexweşxaneyê.
Lêpirsîn li ser qezayê hatiye destpêkirin.