Li Şirnexê şer: 29 kes birîndarbun, 3 kes jî hatin girtin

RûpelNews - Bûyer li herêma Boluzer a gundê Navyan ê (Guneyçam) ya Şirnexê qewimî.

Li gorî agahiyan, di navbera du malbatan de ji ber nakokiya erdê şerekî bi kevir û daran derket.  Dîmenên ku li ser medyaya civakî hatine parvekirin nîşan didin ku cenderme hewl didin aliyên şer ji hev veqetînin, ev yek jî bûye sedema rexneyan.

Piştre, leşkeran şer kontrol kirin û tîmên bijîşkî şandin cihê bûyerê. 29 kesên birîndar li cihê bûyerê alîkariya yekem wergirtin.

Birîndar bi ambulansê ji bo dermankirinê birin Nexweşxaneya Dewletê ya Şirnexê û nexweşxaneyeke leşkerî. Piştî bûyerê, sê kesên ku hatibûn binçavkirin ji aliyê dadgehê ve hatin girtin û şandin girtîgehê.

Tedbîrên ewlehiyê li gund hatine zêdekirin û lêpirsîna bûyerê berdewam dike.