Piştî şewata li Elihê ya ku bû sedema mirina sê kesan, du kes hatin girtin

RûpelNews - Di şewata ku roja 30ê Tebaxê li saloneke werzîşê ya taybet a li taxa Gultepe ya navenda Batmanê derketibû de, Şanziment Sarıoglu (44), Emine Yani (42) û Gulsum Oztekin Tunç (27) jiyana xwe ji dest dan û neh kesên din jî ji ber dûmanê bandor bûn.

Lêpirsîna ku ji aliyê Serdozgeriya Komarê ya Batmanê ve piştî şewatê hatibû destpêkirin, berdewam dike.

Du bira hatin girtin

Piştî ku tîmên Midûriyeta Ewlehiyê ya Parêzgeha Batmanê di çarçoveya lêpirsînê de gumanbarekî din jî desteser kirin, hejmara kesên desteserkirî derket pêncan.

Du bira, ku wekî berpirsên salonê hatibûn destnîşankirin, piştî karûbarên polîsan sewqî dadgehê hatin kirin û piştre ji aliyê dadwer ve hatin girtin.

Ji sê gumanbarên mayî, yek di bin kontrola dadwerî de hat hiştin û du kesên din jî hatin berdan.

Her wiha hat ragihandin ku ew salona werzîşê ya ku şewat tê de çêbûbû, ji aliyê rayedaran ve hatiye morkirin.