Li Muglayê agir girte daristanê: 5 balafir û 11 helîkopter mudaxaleyê dikin

RûpelNews - Li navçeya Seydikemer a Mûglayê agir girte daristan. Hewldanên ji bo vemirandina şewata ku ji ber bayê xurt belav dibe, hem ji hewayê hem jî ji bejayî ve berdewam dikin.

Şewata ku li herêmeke çandiniyê ya li Taxa Bayirê dest pê kiribû, ji ber bayê xurt zû belavî daristanên derdorê bû. Her ku pêt mezin dibûn, hejmareke mezin a tîman ji bo herêmê hatin şandin.

Ji bo vemirandina şewatê pênc balafir, 11 helîkopter, 40 agirkuj û 261 personelên ji Rêveberiya Giştî ya Daristanan, her wiha tîmên agirkujiyê û xebatkarên şewata daristanan hatine seferberkirin.

Tîmên ji hewa û erdê hewlên xwe ji bo kontrolkirina şewatê didomînin, rêya Fethiye–Antalya ji ber dû û dûkêlê wek tedbîreke pêşîlêgir ji trafîkê re hat girtin.
Rayedaran ragihandin ku hewldanên ji bo kontrolkirina şewatê berdewam in.