Li Amedê şer: 2 mirî, kesek bi giranî birîndar bû
RûpelNews - Bûyer li xaçerêya Seyrantepe Uçyol a li navçeya navendî ya Yenîşehîrê pêk hat. Li gorî agahiyan, endamên du malbatan ku berê dijminatiya wan bi hev re hebû, li Seyrantepe Uçyolê rastî hev hatin. Nîqaşeke ku li qehwexaneyekê dest pê kiribû, veguherî pevçûneke çekdarî.
Di pevçûna çekdarî de du kesan li cihê bûyerê jiyana xwe ji dest dan û kesek jî bi giranî birîndar bû. Piştî agahdarkirinê, tîmên tenduristiyê yên hawarçûnê û polîs sewqî cihê bûyerê hatin kirin. Kesê birîndar piştî destwerdana ewil a tibî bo Nexweşxaneya Fakulteya Tibê ya Zanîngeha Dîcleyê hat veguhestin, lê cenazeyên her du kesên mirî ku nasnameya wan hêj nehatiye tespîtkirin li cihê bûyerê man.
Li benda dozger in
Polîsan derbarê bûyerê de lêkolîneke berfireh da destpêkirin; piştî kontrola dozger, dê cenaze ji bo otopsiyê bo Saziya Tipa Edlî bên şandin.