Li Amedê li ber dibistanekê gule hatin reşandin

RûpelNews - Hê jî êrîşên li Mereş û Rihayê di rojeva medyayê de ne, li Amedê bûyerek çêbû bû bû sebebê tirsê.

Li navçeya Yenişehirê, piştî ku du kesên nenas li derveyî Dibistana Navîn a Şehit Mehmet Karaaslan bi tivingên nêçîrê gule li hewayê reşandin, tirsek mezin çêbû.

Xwendekar hatin derxistin

Li gorî raporeke Amidahaberê, du kesên nenas ku çûbûn ber deriyê dibistanê, dema ku xwendekar di polan de bûn, bi tivingên nêçîrê gule berdan hewayê. Dema ku kesên navborî gule li hewayê reşandin, karmendên dibistanê mudaxele kirin û sûcdar ji cihê bûyerê revîn. Di heman demê de di nav avahiya dibistanê de tirs û xofeke mezin çêbû.

Piştî agahdarkirina rêveberiya dibistanê, tîmên hawarçûnê yên 112an û polîs ber bi deriyê dibistanê ve hatin şandin. Hin dê û bavan dema ku hejmara mezin a polîs û ambûlansan dîtin, hatin ber deriyê dibistanê da ku zarokên xwe bigirin û bibin malê.

Êrîşkar hatin desteserkirin

Piştî operasyoneke tîmên Rêvebiriya Polîsan a Amedê, êrîşkar bi tivingên xwe yên nêçîrê hatin girtin û desteserkirin.