Li Afrînê êriş: Sê kes hatin kûştin

RûpelNews - Li navçeya Cinderes a girêdayî Efrîn a Rojava, êrîşeke çekdarî bû û tê de sê kes hatin kûştin.

Li gorî nûçeya Rûdawê, bûyer di 7ê Adarê de li dora saet 10:00ê sibehê li Kolana 20an a navenda navçeya Cinderes, nêzîkî bazara nû qewimî. Sê zêrfiroş, dema ku diçûn cihên karê xwe, ji aliyê kesên çekdar ên nenas ên di du wesayîtan de hatin rawestandin.

Êrîşkaran gule li zêrfiroşan reşandin û wesayîta wan li nêzîkî mala malbata Berekat rawestandin. Sê kes li cihê bûyerê mirin, û êrîşkar piştî ku zêr û pereyên qurbaniyan dizîn reviyan. Li gorî agahiyan, bûyer ji aliyê kamerayên ewlehiyê yên nêzîk ve hatiye tomarkirin.

Kesên ku hatine kûştin yek ji wan Murat Huseyin Aziz e, ku li gundê Yalanqoz ê Cinderesê qeydkirî ye, û du yên din jî li herêma Helebê qeydkirî ne.

Lêpirsîn li ser bûyerê hatiye destpêkirin. Nasnameya êrîşkaran hîn nehatiye diyarkirin, û hewlên girtina wan berdewam dikin.