Êrişa li Manîsayê: Dê û bav û bapîr hatin binçavkirin

RûpelNews - Wezîrê Dadê yê Tirkiyê Akin Gurlek di daxuyaniyekê de piştî êrîşê ragihand ku zarokê ku lêpirsîn li ser tê meşandin, hatiye binçavkirin. Gurlek diyar kir ku lêpirsîn li ser wê yekê didome ka çeka ku di êrîşê de hatiye bikaranîn çawa ketiye destê zarokî û çawa hatiye veşartin û lê zêde kir ku dayik û bavê zarokê, her wiha bapîrê ku di bikaranîna çekê de têkildar hat dîtin, ew jî hatine binçavkirin.

Du dozgerên giştî hatin tayînkirin

Gurlek got ku, ji aliyê Ofîsa Dozgeriya Giştî ya Sereke ya Turgutlu ve, yekser piştî bûyerê lêpirsîneke berfireh hatiye destpêkirin û di bin koordînasyona Dozgerê Giştî yê Sereke de du dozgerên giştî hatine tayînkirin.

Hat destnîşankirin ku, wekî beşek ji lêpirsînê, erkên dêûbavan ên lênêrîn û çavdêriyê û her weha îdiayên tacîzkirina hevalan ên beriya bûyerê jî tên vekolîn.

"Tu xemsarî dê neyê paşguhkirin"

Gurlek tekez kir ku di bûyerên ku ewlehiya zarokan tê de di xeterê de ye, tu xemsarî an jî berpirsiyartî dê neyê paşguhkirin, û diyar kir ku kesên berpirsiyar ên bûyerê dê bi awayekî herî tund bên tespîtkirin.