Keştiya Îranê ya banga alîkariyê şandibû, binav bû

RûpelNews - Li gorî raporeke rojnameya herêmî Daily Mirror, keştiya deryayî ya Îranê IRIS Dena li peravên Galle, Srî Lankayê, bangeke lezgîn a alîkariyê şand.

Berpirsên Srî Lankayê diyar kirin ku keştî piştî şandina banga lezgîn binav bû û ragihandin ku ji bo derxistina ekîbê operasyoneke berfireh hatiye destpêkirin.

Rayedaran ragihand ku ew bawer dikin ku keştiye "ji aliyê binavokeke biyanî ve hatiye êrîşkirin" û banga hawarçûnê jî ji ber vê yekê hatiye kirin.

Hat ragihandin ku 78 deryavanên li ser keştiyê, ku bi giştî nêzîkî 180 kes li ser bûn, birîndar bûne û tên dermankirin. Di heman demê de, hat ragihandin ku herî kêm 101 kesên li ser keştiyê hîn jî winda ne û hewldanên lêgerîn û rizgarkirinê berdewam dikin.

Daxuyaniyek ji Hêzên Deryayî yên Srî Lankayê jî piştrast kir ku keştiya şer a Îranê li Okyanûsa Hindê li ber peravên welêt binav bûye.

Guman hene ku dibe ku keştiyê ji aliyê Amerîka û Îsraîlê ve êrîş lê hatibe kirin. Rayedaran diyar kirin ku ji bo tespîtkirina sedema bûyerê lêpirsînek hatiye destpêkirin.