Ji Îranê êrîşa dron li ser ofîsa Serokwezîriya Herêma Kurdistanê
RûpelNews - Di daxuyaniya ji aliyê Yekîniya Dijî-Terorê ya Kurdistanê ve hat weşandin de hat ragihandin ku du dronên bombebarî yên ku ji aliyê dinê sînorê Îranê ve hatine avêtin, Ofîsa Taybet a Serokwezîr û Ofîsa Serokê Parastinê li navçeya Pirmamê kirine hedef.
Di daxuyaniyê de wiha hat gotin:
"Nêzîkî saet 00:28ê roja Duşemê, 17ê Tebaxa 2026an, du dronên kamîkaze yên 'Hadid-110' ku ji aliyê sînorê Îranê ve hatin avêtin, baregeha Hikûmeta Herêma Kurdistanê ya li navçeya Pirmam a parêzgeha Erbilê kirin hedef."
Di daxuyaniyê de hat destnîşankirin ku ti zirar li canê mirovan çênebû û wiha hat gotin: "Ev êrîşên ku binpêkirina serweriyê ne, di bin ti şert û mercan de nayên qebûlkirin û em wan bi awayekî herî tund şermezar dikin. Sûcdar rasterast berpirsiyarê hemû encamên yasayî û leşkerî ne ku dibe ji vê bûyerê derkevin."