Îran: Em ji bo şerekî demdirêj amade ne

RûpelNews - Laricanî li ser hesabê xwe yê Xê derbarê êrîşên Amerîka û Îsraîlê yên li ser Îranê daxuyanî da.

Laricani destnîşan kir ku Îran, berevajî Amerîkayê, ji bo şerekî demdirêj amade ye û got, "Wekî ku di 300 salên borî de jî wisa bûye, Îranê şer neda destpêkirin. Hêzên me yên çekdar ên mêrxas ji bilî parastina xwe ti êrîşek pêk neaniye."

Laricanî tekez kir ku ew dê parastina xwe bidomînin û got, "Berdela wê çi dibe bila bibe, em dê bi biryardarî xwe û şaristaniya xwe ya 6 hezar salî biparêzin û em dê neyarên xwe ji ber hesabên wan ên şaş, poşman bikin."

Şerê Amerîka û Îsraîlê li dijî Îranê

Îsraîl û Amerîka di 28ê Sibatê de êrîşeke leşkerî li ser Îranê dan destpêkirin.

Îranê bi êrîşên li ser armancên ku li Qeter, Îmarat û Behreynê, ku baregehên Amerîkayê lê hene, û herwiha li ser Îsraîlê destnîşan kiribû, bersiv da.

Di êrîşên Amerîka û Îsraîlê de, gelek rayedarên pilebilind hatin kuştin, di nav wan de Rêberê Îranê Elî Xameneyî jî hebû.

Heyva Sor a Îranê ragihand ku di bombebarana li ser welêt de 555 kes hatine kuştin û 747 kes jî birîndar bûne.