Îsraîl: Dibe ku Îran êrîş bike; em ligel DYAyê amadekariyê dikin
RûpelNews - Wezîrê Parastinê yê Îsraîlê Yisrael Katz derbarê aloziyên bi Îranê re daxuyaniyên nû dan.
Katz di konferanseke ku ji aliyê rojnameya Yedioth Ahronoth ve hatibû organîzekirin de axivî û îdia kir ku Îran dikare di cejnên cihûyan de yên meha îlonê de êrîşî Îsraîlê bike.
Katz, ku amaje pê kir ku zexta aborî ya zêde ya DYAyê li ser Îranê îhtîmala êrîşa Tehranê ya li ser Îsraîlê zêde kiriye, got ku rêveberiya Tel Avîvê amadekariyên xwe bi hevkariya Washingtonê didomîne.
"Em bi DYAyê re amadekariyan dikin"
Katz, destnîşan kir ku Îsraîl di rewşa êrîşeke muhtemel de hem li ser planên parastinê hem jî yên êrîşê dixebite, got, "Em hem ji aliyê parastinê û hem jî ji aliyê êrîşê ve bi DYAyê re amadekariyan dikin."
Katz her wiha da zanîn ku Îran dibe ku êrîşeke muhtemel a ne rasterast, lê bi rêya Lubnanê, Xeta Rojava an jî Xezeyê pêk bîne.
"Balafirên me ji bo firînê amade ne"
Katz, diyar kir artêşa Îsraîlê ji bo êrîşeke nû ya muhtemel a li ser Îranê amade ye û got, "Balafirên me ji bo firînê amade ne."
Gotinên Katz nîşan didin ku, di demekê de ku alozî di navbera Îran û Îsraîlê de berdewam dike, rêveberiya Tel Avîvê vebijêrka operasyoneke leşkerî ya nû ya li dijî Tehranê li ser masê dihêle.