Erdogan: Çaryek sedsaliya AK Partiyê ji bo Tirkiyeyê veguherîneke dîrokî ye

RûpelNews - Erdogan destnîşan kir ku di dema desthilatdariya AK Partiyê de, rewabûna demokratîk xurt bûye, hêza dewletê ya ji bo pêşkêşkirina xizmetan baştir bûye û beşdariya beşên cuda yên civakê di jiyana giştî de berfireh bûye. Derbarê hewldana derbeyê ya 15ê Tîrmehê de jî Erdogan diyar kir ku gel bi parastina îradeya hilbijartî, di xurtkirina demokrasiyê de roleke dîrokî lîstiye.

Giringî li ser pîşesaziya parastinê û teknolojiyê

Erdogan, ku amaje bi veberhênanên di warên perwerdehî, tenduristî, veguhastin û enerjiyê de kir, her wiha bal kişand ser pêşketinên di pîşesaziya parastinê de jî. 
Peyama "Sedsala Tirkiyeyê"

Bi amajekirina bi hewildanên ku piştî erdhejên 6ê Sibatê hatine kirin, Erdogan diyar kir ku di serdema pêş de dê girîngî li ser têkoşîna li dijî enflasyonê, zêdekirina hilberîn, veberhênan û kardariyê were danîn.

Erdogan destnîşan kir ku armanca "Sedsala Tirkiyeyê" biryardariya hevpar a ji bo paşerojê dihewîne, ji ber ku Komar dikeve sedsala xwe ya duyemîn, û armanca xwe ya bihêzkirina Tirkiyeyê di warên demokrasî, aborî, teknolojî û siyaseta derve de ji nû ve dubare kir.