Dosyeya Gulistan Doku: Daneyên li ser telefona li êmaneta dadî hatine jêbirin

RûpelNews - Di lêpirsîna ku ji aliyê Serdozgeriya Giştî ya Dêrsimê ve tê meşandin de, hat tespîtkirin ku di sala 2020an de li ser telefona desta ya Abakarov, ku di li êmaneta dadî ya dadgehê de bû, pêvajoyeke jêbirina daneyan a bi navê 'paqijkirina kûr' (deep clean) hatiye kirin. Di raporeke ku ji aliyê Buroya Krîmînal a Neteweyî ve hatiye amadekirin de hat gotin ku peyamên WhatsAppê û wêneyên li ser cîhazê hatine jêbirin.

Tespîtkirina jêbirina daneyan 

Li gorî raporê, derket holê ku daneyên li ser telefonê di navbera 18ê Nîsana 2020an û Tîrmeha 2020an de, tevî ku telefon di bin destê dadgehê de bû jî, bi rêya bernameyeke taybet hatibûn jêbirin. Lêpirsînan her wiha eşkere kir ku di 2ê Tîrmeha 2020an de "paqijkirineke sepanan" ("app clean") hatibû kirin.

Peyamên WhatsAppê û wêne hatin jêbirin

Herwiha hat destnîşankirin ku hin wêneyên di galeriya telefonê de û peyamên WhatsAppê jî hatine jêbirin û ev kiryar di dema ku cîhaz di bin destê edlî de bû, pêk hatine.

Gumanbar îdiayan red dike

Zaînal Abakarov, yê ku derbarê îdiayên derarê wî de daxuyanî da, îdia kir ku telefon ne di destê wî de bû. Abakarov diyar kir ku ew ji ti kiryarên ku derbarê telefonê de hatine kirin nizanîbû û got, "Ne mimkun e ku ez ji dûr ve xwe bigihînim wê." Abakarov, yê ku îdia dike ku telefon li Antalyayê jê hatiye standin û nehatiye vegerandin, her wiha diyar kir ku ji xeynî wî kesek din şîfreya wî ya WhatsAppê nizanîbû.