Di lêpirsîna Gulistan Doku de pêşketineke nû 

RûpelNews - Wezîrê Dadê yê Tirkiyeyê Akin Gurlek, derbarê binçavkirinên bûyera windabûna Gulistan Dou de daxuyaniyek ragihand. Gurlek, destnîşan kir ku di xebatên ku ji aliyê Serdozgeriya Giştî ya Dêrsimê ve tên meşandin de qonaxeke girîng hatiye derbaskirin, û got ku hemû îdia û guman li ber çavan tên girtin û lêpirsîn bi hûrgilî ji nû ve tê vekolandin.

"Dê ji her alî ve were lêkolînkirin"

Wezîrî tekez kir ku dê lêpirsîn bi biryardarî were domandin "serî bigehê kê bila bigihe dê lêpirsînê bidomînin", û diyar kir ku pêvajo bi baldariyeke mezin tê meşandin. Wezîr hevxemiya xwe ji bo êşa ku malbata Doku jiyaye nîşan da û spasiya nivîsgeha dozgeriya giştî û yekîneyên ewlehiyê yên ku lêpirsînê dimeşînin kir.

Bûyera Gulistan Doku

Ji 5ê Çileya 2020an ve ti agahî ji Gulistan Doku nehatiye wergirtin. Malbata wê di 6ê Çileya 2020an de serî li polîsan dabû, lê operasyonên lêgerînê yên ku piştre hatin destpêkirin, nekarîn ciwanê bibînin.

Wekî beşek ji lêpirsînê, hat ragihandin ku 12 gumanbar, di nav de Mustafa Turkay S. – kurê Parêzgerê wê demê yê Dêrsimê – û hevalê Gulistan Doku Zeînal A., hatine binçavkirin.