Di êrişa li ser mizgeftê de sê kes hatin kuştin

RûpelNews - Berpirsên polîsan ragihandin ku êrîş li Navenda Îslamî ya San Diegoyê qewimiye û bûyer wek 'sûcê nefretê' tê lêkolînkirin. Hat destnîşankirin ku li cihê bûyerê sembolên girêdayî nefretê hatine dîtin.

Rayedaran diyar kirin ku beriya êrîşê, dayika yek ji gumanbaran bi polîsan re ketibû têkiliyê û gotibû meyla kurê wê li ser xwekuştinê hene û çek li cem wî ye.
Hat ragihandin ku polîs bi lez gihîştin cihê bûyerê û piştrast kirin ku li derveyî mizgeftê sê kesan jiyana xwe ji dest dane.

Midaxeleya nobedarê ewlehiyê

Hat eşkerekirin ku yek ji kesên hatine kuştin nobedarê ewlehiyê yê mizgeftê bû. Polîsan ragihand ku nobedar li dijî êrîşkaran midaxele kiriye û bi vî awayî rê li ber trajediyeke mezintir girtiye.
Du gumanbarên 17 û 18 salî, yên ku piştî êrîşê reviyabûn, li nav wesayîtekê li herêmeke nêzîkî mizgeftê kuştî hatin dîtin. Polîsan diyar kir ku ciwanan bi çekên xwe, xwe kuştine.

Daxuyaniyên berpirsan

Melayê mizgeftê Taha Hesen, êrîşa li ser cihên îbadetê wekî "êrîşeke qirêj" bi nav kir.
Serokê DYAyê Donald Trump êrîş wekî "rewşeke bi rastî tirsnak" bi nav kir.