Li ser maleke êrîşa bi çekan hat kirin: 11 kes hatin kuştin!

RûpelNews - Di daxuyaniyeke Dezgeha Polîsan a Afrîkaya Başûr (SAPS) de hat ragihandin ku 14 kesên li malekê li bajarê Durbanê kom bûbûn, rastî êrîşeke bi çek hatin.

Di daxuyaniyê de hat diyarkirin ku sê çekdar gihîştin cihê bûyerê û gule li 13 mêr û jinekê reşandin; ew kes di hundirê malê de bûn.

Hat ragihandin ku 10 kes li cihê bûyerê jiyana xwe ji dest dan û yek ji wan çar kesên ku rakiribûn nexweşxaneyê jî mir.

Komîserê Demkî yê Polîsan ê Neteweyî, Lîtenant-General Puleng Dimpane, di civîneke çapemeniyê de diyar kir ku sedema êrîşê hêj nehatiye zelalkirin, herçend dibe ku hin qurbanî bi çalakiyên neqanûnî re têkildar bûbin.

Dimpane her wiha da zanîn ku îhtîmala ku êrîş ji ber "hevrikiya di navbera çeteyan" de pêk hatibe, tê lêkolînkirin.

Li Afrîkaya Başûr, ku di nav welatên xwedî rêjeyên herî bilind ên tawanan de li cîhanê cih digire, daneyên polîsan nîşan didin ku di sala 2025an de 23,642 kes ji ber kuştinê jiyana xwe ji dest dane.