Cîhan
Li Ewropayê herî zêde welatiyên Tirkiyeyê hatin dersînorkirin
Ofîsa Îstatîstîkê ya Ewropayê (Eurostat) ragihand ku di sala 2025an de, herî zêde welatiyên Komara Tirkiyeyê ji Ewropayê hatine dersînorkirin.
RûpelNews - Li gorî amarên Eurostatê di sala 2025an de 13 hezar û 480 welatiyên Tirkiyeyê ji welatên derveyî Yekîtiya Ewropayê (YE) hatin vegerandin, di heman demê de derbarê 24 hezar û 950 welatiyên Tirkiyeyê de biryar hat dayîn ku ji YEyê derkevin.
Piştî welatiyên tirk, hejmarên herî zêde yên hatine dersînorkirin welatiyên gurcî, sûrî, arnavutluk û rûsî bûn.
Di heman demê de, di sala 2025an de, li welatên Yekîtiya Ewropayê derbarê 491 hezar û 950 welatiyên sêyemîn biryar hat dayîn ku ji xaka YEyê derkevin. Ev hejmar li gorî sala 2024an ji sedî 5.8 zêdebûnek nîşan dide.