Di 5 pirsan de naveroka yasaya platformên medyaya civakî û lîstikan 

RûpelNews - Pênc pirs û bersivên derbarê bendên qanûnê yên têkildarî bikaranîna medyaya civakî ji aliyê zarokên di bin 15 saliyê de wiha ne:

1- Gelo dê medyaya civakî ji bo zarokan were qedexekirin?

Ji bo zarokên di bin 15 saliyê de dê qadên dîjîtal ên ewle werin afirandin û dê sîstemeke piştrastkirina temenî mecbûrî be. Pêşkêşkerên medyaya civakî dê nikaribin rasterast xizmetan pêşkêşî vê koma temenî bikin, lê dê ji bo kesên 15 salî û jê mezintir xizmetên cuda pêş bixin.

2- Dê dêûbav çawa kontol bikin?

Platform dê amûrên kontrola dêûbavan peyda bikin. Rêveberiya hesabê, danûstandinên xerckirinê û dema bikaranînê dibe ku hewceyê pejirandina dêûbavan be.

3- Dê çi cezayên li ser platformên medyaya civakî werin sepandin?

Platformên ku erkên xwe bi cih naynin dibe ku bi qedexeyên reklamê re rû bi rû bimînin, û li pey wê cezayên ku heta kêmkirina firehiya band a înternetê diçin, werin sepandin.

4- Li ser platformên lîstikan çi diguhere?

Lîstik dê li gorî pîvanên temenî bên nirxandin, û pergalên kontrola dêûbavan dê mecbûrî bin. Dê ji platformên biyanî were xwestin ku li Tirkiyeyê nûneran tayîn bikin.

5- Heke rêzikname bên binpêkirin dê çi bibe?

Platformên ku pabend nebin dibe ku rastî cezayên îdarî bên, û heke binpêkirin berdewam bike, dibe ku sînordarkirinên bandwidthê bên sepandin. Ev bend dê di nav şeş mehan de bikevin meriyetê.