Rojhilata Navîn
Almanya ji bo du welatên Rojhilata Navîn hişyarî da
Wezareta Derve ya Almanyayê şîret li welatiyên xwe kir ku neçin Behreyn û Kuweytê.
RûpelNews - Wezareta Derve ya Almanyayê welatiyên xwe li hember çûna Behreyn û Kuweytê hişyar kir.
Di daxuyaniyê de, tekezî li ser wê yekê hat kirin ku divê rêwîtiya bo Behreynê were dûrxistin û hat gotin ku rewşa ewlehiyê li herêmê di asta bilind de dimîne.
Di daxuyaniyê de her wiha hat destnîşankirin ku ji ber êrîşan dibe ku firîn li herêmê werin sînordarkirin.
Piştî êrîşa DYAyê ya vê hefteyê li ser tankerekî bêmirov a îranî, Îranê bi dron û mûşekan êrîş bir ser Behreyn û Kuweytê.
Rayedarên îranî îdia kirin ku DYAyê ew tanker ji baregehên xwe yên li Behreyn û Kuweytê xistiye. Balafirgeheke li Kuweytê zirareke mezin dît û bi dehan kes birîndar bûn.