Amerîkayê karwaneke leskerî ya 35 barhilgiran sand Hesekê

PeyamKurd – Hevpeymaniya Navdewletî ya Amerîka pêşengiya wê dike, karwaneke din a leşkerî ber bi Rojavayê Kurdistanê ve bi rê kir.

Li gorî zanyariyên PeyamaKurd karwana ku ji 35 barhilgirên pêdawîstiyên leşkerî û lojîstîkî pêk dihat, ji ser deriyê sînorî Tanfê ve derbasî Rojavayê Kurdistanê bûye û ber bi parêzgeha Hesekê bi rê ketiye.

Hêjayî bibîrxistinê ye, bi taybet piştî hatina ser kar a rêveberiya nû ya Amerîkayê û ji destpêka sala 2021ê ve 16emîn karwana leşkerî ya hevpeymaniyê ye derbasî Rojavayê Kurdistanê dibe.

Herî dawî jî 4ê Adarê karwaneke hevpeymaniyê ji ser Qamişlo ve derbasî Rojavayê Kurdistanê bûbû.