Amerîka û Îran li Tirkiye danûstandinan nakin

RûpelNews- Platforma nûçeyan a Axiosê, bi amajekirina du berpirsên nediyar, ragihand ku Îranê ji bo guhertina format û cihê danûstandinên bi DYA re daxwaz kiriye.

Di raporê de hat gotin ku li ser daxwaza Îranê, hevdîtinên ku dihat payîn roja 6ê Sibatê li Stenbolê bên kirin, ji bo Omanê hatine veguhestin û ku DYA jî ev daxwaz qebûl kiriye.

Di raporê de hat destnîşankirin ku "gelek welatên erebî û misilman plan dikirin ku wek çavdêr beşdarî danûstandinên li Stenbolê bibin" lê Îranê dixwest ku danûstandin tenê di formatek dualî de bi DYA re bên kirin.

Raportê tekez kir ku sedema daxwaza rêveberiya Tehranê "daxwaza wê bû ku danûstandinan tenê bi mijarên atomî sînordar bike û xwe ji anîna rojevê ya mijarên wekî bernameya mûşekan û komên nûner dûr bixe ku ji bo welatên din ên li herêmê pêşîniyên sereke ne."

Hatibû îdiakirin ku Nûnerê Taybet ê Serokê Steve Witkoff, dê di 6ê Sibatê de li Tirkiyeyê bi Wezîrê Derve yê Îranê Ebas Erakçî re bicive da ku li ser peymaneke hevpar gotûbêj bikin.

Ji Hezîrana 2025an û vir ve civîna yekem

Ev dê bibe civîna yekem a di navbera berpirsên amerîkî û îranî de ji pevçûna 12-rojî ya di navbera Îran û Îsraîlê de di Hezîrana 2025an de.

Erakçi, di axaftina xwe ya li Mizgefta Xumeynî li paytext Tehranê de bi boneya 47emîn salvegera Şoreşa Îranê, diyar kir ku Îran ji bo dîplomasiyê amade ye û lê zêde kir, "Lê belê, dîplomasî bi zext, çavtirsandin û bikaranîna hêzê re lihevnehatî ye. Em hêvî dikin ku di demek nêz de encaman bibînin."