Amerîka: Sûdanî soz daye çekan bixe kontrola saziyên dewletê

PeyamaKurd – Berdevkê Wezareta Derve ya Amerîkayê Ned Price, di civîna rojane ya li Koşka Spî de, li ser avakirina hikûmeta nû ya Iraqê kêfxweşiya xwe anî ziman û Serokwezîrê Iraqê Mihemed Şiya Sûdanî pîroz kir.

Ned Price got: “Ew li bendê ne, ji bo şirîkatiyeke bi ewle û îstiqrar, bi hikûmeta nû re bixebitin.”

Herwiha diyar kir ku wê Amerîka ji bo çareserkirina kêşeyan piştgiriya Iraqê bike û li ser komên milîsên çekdar jî got: “Sûdanî soz daye ku çekan bixin jêr kontrola saziyên dewletê.”

Price da zanîn, gelê Iraqê bidawîkirina gendeliyê û xizmetên hatine başkirin ên dewletê heq dike.