Amerîka leşkerên xwe ji bingeheke Sûrî paşve kêşa

Wezareta Parastinê ya Sûriyê ragihand ku piştî vekişîna artêşa Amerîkayê, artêşa Sûriyê kontrola Bingeha Leşkerî ya Tenefê, ya li başûrê welêt, girtiye dest.

Di daxuyaniyê de hat gotin ku kontrola bingehê bi riya koordînasyona di navbera aliyên sûrî û amerîkî de hatiye bidestxistin. Her wiha hat destnîşankirin ku artêşa Sûriyê dest bi bicihbûna li ser sînorên bi Iraq û Urdunê kiriye.

Amerîkayê Bingeha Tenefê, ya ku di salên 2017 û 2018an de berfireh kiribû, ji bo şopandina çalakiyên leşkerî yên komên bi piştgiriya Îranê û rêxistina terorîst a DAIŞê li ser sedan kîlometreyan di navbera sînorê Urdunê û Çemê Firatê de, bi balonên çavdêriyê yên ku ji bingehê hatibûn rakirin, bi kar dianî.