Amedsporê li ser êrîşa Trabzonê bertek nîşan da
Amedsporê li ser bûyera ku jinekê formeyê yaneyê li xwe kiribû û li Trabzonê rastî heqaretên devkî hatibû, bertek nîşan da. Yaneyê, ku ragihandibû ew dê li ser bûyerê tedbîrên yasayî bigire, bang li alîgirên xwe kir ku di beriya maça pêş a li dijî Trabzonsporê de li hember provokasyonan bi aramî tevbigerin.
RûpelNews - Amedsporê derbarê êrîşa devkî ya ku ji aliyê hin kesan ve li Trabzonê li ser jineke ku formaya klûbê li xwe kiribû, daxuyaniyek da.
Di daxuyaniyê de hat tekezkirin ku li xwe kirina formaya tîmekê îfadeya xwedîbûn û dilsoziya werzişî ye û hat destnîşankirin ku divê tu kes tenê ji ber li xwe kirina formaya klûba ku piştgiriyê dide wê, di bin zextê de nemîne.
Di daxuyaniya yaneyê de wiha hat gotin: "Divê tu kes, bêyî ku li kîjan bajêr be, tenê ji ber lixwekirina forrmeyê tîma xwe neyê neçarkirin ku wê derxe an veşêre."
Dê tedbîrên yasayî bên girtin
Amedspor bang li dezgehên dadwerî kir ku li dijî kesên berpirsiyarên bûyerê tedbîrên pêwîst bigirin.
Yaneyê ragihand ku ew ê di heman demê de derbarê bûyerê de tedbîrên yasayî yên pêwîst bigire.
Banga hişyariyê beriya maça Trabzonsporê
Amedsporê, tekez kir bûyer divê li ser navê tevahiya bajarekî, klûbekî an jî alîgirekî neyên girtin, her wiha derbarê maça li hember Trabzonsporê de peyamek weşand.
Yanê hêviya xwe anî ziman ku maç bibe kombûneke ku tê de hêza yekîtiyê ya futbolê û rêzgirtina dualî bikevin pêş, ne ku alozî.
Di daxuyaniyekê de ku bang li alîgiran dike ku li hember provokasyonê bi aqilane tevbigerin, yanê diyar kir: "Em dê parêzvaniya çandeke futbolê ya ku li şûna dabeşkirinê yek dike û li şûna geşkirina aloziyê aqilê selîm xurt dike, bidomînin."
