Agir girte êtîmxaneyê: 11 zarokan canê xwe ji dest da
Li gorî raporên destpêkê, di şewata li êtîmxaneyekê li paytexta Cezayîrê de 11 kesan piraniya wan zarok jiyana xwe ji dest dan û 19 kesên din jî birîndar bûn.
RûpelNews - Li gorî daxuyaniyek ji aliyê Rêveberiya Parastina Sivîl a Cezayîrê ve, agir li êtîmxaneyekê li navçeya Mohammadiya ya paytext Cezayîrê derket.
Gelek tîmên agirkujiyê û yên bijîşkî şandin cihê bûyerê, û hate ragihandin ku ekîb dixebitin da ku agir kontrol bikin û avahiyê vala bikin.
Di şewatê de 11 kes, piraniya wan zarok, mirin, û 19 kesên din jî birîndar bûn.
Her çend rayedaran diyar kirin ku piraniya qurbaniyan zarok bûn jî, hîn tu agahdariya fermî di derbarê temenê miriyan de nehatiye dayîn.
Hat ragihandin ku 19 kesên ku di şewatê de birîndar bûne ji bo dermankirinê birine nexweşxaneyên nêzîk.
Her çend sedema şewatê hîn nehatiye diyarkirin jî, lêpirsînek hatiye destpêkirin, û piştî lêkolînek din sedema rastîn dê were zelalkirin.
