12 aliyên Kurdistan û Iraqê civiyan: Rûxandin xeta sor e!

PeyamaKurd  - 12 aliyên siyasî yên Iraq û Kurdistanê, şeva borî li Bexdayê li baregaha Bizava Hîkme civiyan.

Piştî civînê hat ‎ragihandin ku parastina bingeha dewletê, sîstema siyasî, demokrasî, bicihkirina prensîbên radestkirina ‎desthilatê divê bi rêbazên aştiyane ya hevhangiya hemû aliyan be û rûxandina wê jî xeta sor e.‎

Aliyên beşdariya wê civînê kirin yên; Partiya Demokrat a Kurdistanê, Yekîtiya Niştimanî ya Kurdistanê, ‎Hevpeymaniya Fetih, Nesir, Hîkme û  Dewleta Yasa ragihandin ku divê serokwezîr û hêzên ‎ewlekariyê asayîşê dabîn bikin, samanê giştî û taybet biparêzin û pêwîst e Fermandarê Giştî yê Hêzên ‎Çekdar û saziyên pispor wan aliyan eşkere bikin ku destê wan di revandin, kuştin û birîndarkirina ‎xwepêşanderan de heye.‎

Aliyên ku beşdarî civînê bûn diyar kirin ku divê Parlamento û hikûmet berdewam bicivin daku bilez daxwazên ‎xwepêşanderan bicih bikin, sîwana demkî bo bicihanîna wan diyar bikin û ji dawiya sala 2019an jî we prose dirêjtir ‎nebe.

Pêşniyar hatiye kirin ku dadgeha taybet bi yekalîkirina dosyayên gendelan were aktîfkirin û aliyên ‎siyasî pêbendî dûrketina ji destêwerdana karûbarên wezaret û saziyên dewletê bin.‎

Aliyên siyasî teqez kirin ku divê hemû pêbendî derxistina yasa û sererastkirina yasayên serekî bin li ‎parlamentoyê ku ji bo pêşxistina sîstem û dabînkirina daxwazên gel.

Alîyên Siyasî yên di civînê de bûn ev xal ragihandin:

- Sererastkirina yasaya Komisyona Bilind a Serbixwe ya Hilbijartinan û bidawîkirina karê komisyona ‎niha ya hilbijartinan û pêkanîna komisyoneke din.‎

- Derxistina yasaya hilweşandina îmtaziyatên berpirsên bilind, serokatiyan û pileyên taybet.‎

‎- Derxistina yasaya Dadgeha Federalî.‎

‎- Derxistina yasaya Encûmena Federalî.‎

‎- Derxistina yasaya Encûmena Avakirinê.‎

‎- Sererastkirina yasaya Desteya Destpakî.‎

‎- Derxistina yasaya tee v ji ku aniye.‎

- Derxistina yasaya petrol û gazê.‎

- Sererastkirina pêkhateya kabîneya hikûmetê bi awayekî berfireh.‎