Yemen: “Do bi sev Hûsî bi fuzeyên balîstîk li bajarê Marîbê xistin”

PeyamaKurd – Wezareta karên derve ya Yemenê di ser ajansa Yemenê SABA yê de peyamekî belav kir û di peyama xwe de ragihand ku ji serê sibatê de Hûsî bi balafirên bê mirov û fuzeyên balîstîk êrîşê bajarê Marîbê dikin û do bi şev jî car din bi fuzeyên balîstîk êrîşê bajarê Marîbê kirine.

Wezaret got ku bi 10 fuzeyan êrîşê bajarê Marîbê kirine lê di mijara mirî, birîndar û xesarê de ti agahî neda. Wezaret temamê rêxistinên navdewletî dawetî alîkariya wan kesên ku ji ser cîh û warên xwe dibin kir.

Heya niha ji Hûsiyan ti beyan nehatiye dayîn. Lê li bajarê Marîbê bi xwe baregeha wezareta parastinê heye lewra di demên dawiyê de êrîşên ser Marîbê zêde bûne.