Yekîtiya Awrûpayê qebûl kir ku dorpêçên nû deyne ser Îranê

PeyamaKurd – Welatên Yekîtiya Awrûpayê ji bo Îranê, piştî xwepêşandanên li ser kuştina Jîna Emînî, kesên an dezgeyên ku mudaxeleya çalakiyan kirine û ji bo wan bûne asteng, ji bo 18 kes û 19 dezgeyan dorpêçan danîn. Li gor daxwuyaniya ku ji konseya YA yê hat kirin; wê dorpêç bi sedema îhlala mafên mirovan yên li Îranê bên bicîhanîn.

Di nav kesên dorpêç danîne ser wan de, wezîrê Spor û ciwaniyê Seyid Hamid Hazaveh Seccadi, hinek parlementer, parêzgehên hinek bajaran, hinek xebatkarên medya dewletê û hinek rêvebirên di asta bilind de yên artêşê hene.

Di nav lîstê de hinek yekîneyên artêşa Îranê, hêzên polîsên taybet û şîrketên ku xizmeta taybet ya ewlehiyê dikin, hene.