Yekem karwana Hevpeymaniya Navdewletî ji Iraqê vekisiya

PeyamaKurd – Fermandariya Giştî ya hêzên çekdar ên Iraqê ragihand ku yekemîn karwana hêzên hevpeymaniyê ji Iraqê derket.

Berdevkê fermandariya giştî ya hêzên çekdar ên Iraqê Yehya Resûl bi daxuyaniyekê ragihand ku yekemîn karwana hêzên hevpeymanan ji Iraqê derketiye.

Yehya Resûl da zanîn, tenê pispor û şîretkarên leşkerî wê li Iraqê bimînin û hejmara wan jî wê Iraq diyar bike.

Hêjayî gotinê ye, di çarçoveya biryara Amerîkayê ya vekişandina hêzên şerker de ku ji heyama Sedam Hisên ve hatibûn Iraqê tenê şêwirmendên leşkerî yên di nav Hevpeymaniya Navdewletî ya Dijî DAIŞê de li Iraqê dimînin.