‘Yekem hêza serê DAISê kiriye Pêsmerge ye, gelek dayikên wekî Dayika Ayse hene’

PeyamaKurd – Berdevkê Hevpeymaniya Navdewletî ya Dijî DAIŞê Myles B. Caggins, di civîna rojnamevanî ya li Hewlêrê de, bal kişand ser roja hêzên Pêşmerge di şerê dijî terora DAIŞê de û li ser dayika 3 şehîdên terora DAIŞê jî daxuyanî da.

Berdevkê Hevpeymaniyê got, “Gelek kes li Kurdistanê hene ku şehîdên ezîz dane. Dayika Ayşe, dayikeke wefadar bû ku 3 zarokên xwe di şerê DAIŞê de şehîd dan. Gelek dayikên wekî Dayika Ayşe hene. Rola wan ji bo me gelekî girîng e û em wan jibîr nakin.”

Caggin da zanîn ku heta niha zêdetirî 4 hezar Pêşmerge di şerê DAIŞê de şehîd bûne û diyar kir, “Ew di ber parastina welatê xwe de şehîd bûn. Wekî hevpeymanî ne mimkun e em têkoşîna wan jibîr bikin. Dîrok jî nîşan dide ku Pêşmerge yekem hêza şerê DAIŞê kiriye ye.”

Dayika 3 şehîdan Dayika Ayşe 27ê Tîrmehê di 94 saliya xwe de koça dawî kiribû ku Serok Barzanî ew bi xelata Barzaniyê Nemir wekî Dayika Şehîdan xelat kiribû.