YE: Binpêkirina qada hewayî ya Moldovayê ji aliyê dronên Rûsî ve nayê qebûlkirin!

PeyamaKurd - Nûnera Bilind a Yekîtiya Ewropayê (YE) ya ji bo Karûbarên Derve û Siyaseta Ewlehiyê Kaja Kallas diyar kir, "Binpêkirinên qada hewayî ya Moldovayê ji aliyê dronên Rûsî ve nayê qebûlkirin û trafîka hewayî ya sivîl dixe xetereyê."

Kallas ev nûçe li ser hesabê xwe yê li ser platforma medyaya civakî ya X parve kir.

Kallas ragihand ku YE wê îsal 20 milyon euro li parastina hewayî veberhênan bike da ku beşdarî xurtkirina ewlehiya Moldovayê bibe û got, "Divê ezmanê Moldovayê nebe qurbanê şerê Rûsyayê. Binpêkirinên qada hewayî ya Moldovayê ji aliyê dronên Rûsî ve nayê qebûlkirin û trafîka hewayî ya sivîl dixe xetereyê."