Xaneqîn | Bi narincokan êrîsî mala kadroyekî PDKê kirin

PeyamaKurd – Li nahiya Qeretepe ya ser bi navçeya Xaneqînê, bi narincokan êrîşî mala kadroyekî Partiya Demokrat a Kurdistanê (PDK) kirin.

Li gor Berpirsê Qeretepe yê Partiya Demokrat a Kurdistanê (PDK) Kemal Îbrahîm diyar kiriye, derengiya şeva borî du kesan bi motorsîkletê nêzîkî mala kadroyekî PDKê bûne û narincok avêtine nav malê.

Herwiha hatiye eşkerekirin, navê endamê PDKê Hesen Mihemed e û êrîş nebûye sedema ziyana canî û tenê zerar gihîştiye beşeke mala wî.

Kemal Îbrahîm daye zanîn, hêzên ewlehiyê dest bi lêkolîna bûyerê kirine.