WHO: Li cîhanê hejmara rojane ya pêketiyên Koronayê rekor sikand

PeyamaKurd – Li cîhanê, hejmara pêketiyên nû yên vîrusa Korona di 24 saetên dawî de rekor şikand.

Li gor Rêxistina Tenduristiyê ya Cîhanê (WHO) diyar kir, di 24 saetên dawî de 338,779 kes bi vîrusa Korona ketine.

Di 24 saetên dawî de li Hindistanê 78,524, li Brezîlya 41,906 û li Amerîka 38,904 pêketiyên nû hatine tespît kirin.

Hejmara herî zêde ya pêketiyên vîrusa Korona ya rojane herî dawî di 2ê Cotmehê de hatibû tomarkirin ku ew hejmar 33,340 bû.

Agahiyên dawî yên Zanîngeha Johns Hopkinsê raber dikin, ku li cîhanê 36,372,696 kes bi vîrusa Korona ketine û 1,059,065 kes bi wê can dane.