Wezîrê Tenduristiyê rewsa dawî ya koronayê eskere kir

PeyamaKurd - Wezîrê Tenduristiyê yê Herêma Kurdistanê Dr. Saman Berzincî, îro 12ê Cotmehê li Zaxoyê civîneke rojnamevanî li dar xist û amarên dawî yên pêketin û mirina ji ber vîrûsa Koronayê ragihandin.

Dr. Saman Berzincî got, di 24 demjimêrên borî de pêketina 720 kesan bi Koronayê hatiye tomarkirin û 26 kesan jî can daye ku 396 pêketiyên Koronayê jî baş bûne.

Wezîrê Tenduristiyê destnîşan kir, ji bo di vê werzê de hejmara pêketiyên Koronayê zêde nebin û rewş di bin kontrolê de be, divê welatî xwe biparêzin û maskan bikar bînin.

Hejmara giştî ya pêketiyên Koronayê li Herêma Kurdistanê bûye 56 hezar û 465 kes û heta niha 2 hezar û 18 kesan jî can daye.