Wezîrê fransî: Pêşmergeyên kurd ên wêrek DAIŞ têkşikandin

Piştî serdana xwe ya duh a Bexdayê, Wezîrê Derve yê Fransayê Jean-Noël Barrot gihîşt Hewlêrê û bi Serok Mesûd Barzanî, Serokê Herêma Kurdistanê Nêçîrvan Barzanî, Fermandarê Giştî yê Hêzên Demokratîk ên Sûriyê (HSD) Mazlûm Abdî û şanda Rojava ya pê re hevdîtin kir.

Jean-Noël Barrot wêneyên hevdîtinên xwe li ser hesabê xwe yê Xê parve kirin û diyar kir, "Dawiya mîsyona min a dijî DAIŞê li Iraqê: Bexda û Erbil."

Barrot got, "Leşkerên fransî wek beşek ji Operasyona Chammal ji vir vê têkoşînê bê navber didomînin," û got, "Pêşmergeyên kurd ên wêrek û Artêşa Federal a Iraqê li vir êrîşên Dewleta Îslamî têkşikandin."

Wezîrê fransî her wiha amaje kir, "Bi General Mazlum û Fermandarê YPJ'ê General Afrîn re, min li ser berdewamiya vê şer li Sûriyê, rola ku dê Kurd li vir bilîzin, û pêvajoya wan a yekbûna leşkerî, îdarî û sivîl gotûbêj kir."

Suite et fin de ma mission anti-Daech en Irak, à Bagdad et à Erbil.

C'est d’ici que des militaires français mènent ce combat sans relâche dans le cadre de l'opération Chammal.

C'est ici que les vaillants Pershmerga kurdes et l’armée fédérale irakienne ont repoussé les assaults… pic.twitter.com/WiZF6Z0bRq

— Jean-Noël Barrot (@jnbarrot) February 6, 2026