Wezîrê Derve yê Kuwêtê bi Fuad Husên re civiya

 PeyamaKurd - Wezîrê Derve yê Kuwêtê serdana Iraqê kir û bi Wezîrê Derve yê Iraqê Fuad husên re civiya.

Hat ragihandin ku îro 14ê Hezîranê Wezîrê Derve yê Kuwêtê Ehmed Nasir El Sebah bi serdaneke fermî gihîşt paytexta Iraqê Bexdayê.

Berdevkê wezareta derve ya Iraqê Ehmed Sehaf bi daxuyaniyekê ragihand ku Wezîrê Derve yê Iraqê Fuad Husên pêşwazî li Wezîrê Derve yê Kuwêtê Ehmed Nasir El Sebah kiriye û hevdîtin kirine.

Hat diyarkirin ku di hevdîtinê de pêwendiyên dualî yên Iraq û Kuwêtê hatine gotûbêjkirin.

Wezîrê Derve yê Iraqê Fuad Husên ji pişka Kurdan, hefteya borî di kabîneya serokwezîr Mistefa Kazimî de dest bi kar kiribû.