Wezîrên Îsraîlê agirbest red kirin û gefa vekisîna ji hikûmeta Netanyahû xwarin

PeyamaKurd – Piştî ku hikûmeta Îsraîl û Hamasê li ser pêşniyara Serokê Amerîkayê Joe Biden, ji bo agirbest û berdana rehîneyan lihevkirina xwe ragihand, di nav hikûmeta Îsraîlê de bertek bo Netanyahû hatin nîşandan.

Li gorî zanyariyên dawî, Hamas û Îsraîlê pêşniyara agirbestê ya bo Şerîda Xezeyê li hev kirine.

Piştî ku hikûmeta bi seroktiya Netanyahû jî ev lihevkirin piştrast kir, Wezîrê Darayî yê Îsraîlê Bezalel Smotrich û Wezîrê Ewlehiya Niştimanî Itamar Ben-Gvir, gefa vekişîna ji hikûmeta Serokwezîr Binyamîn Netanyahû xwarin.

Li ser pêşniyara agirbestê ya nû Smotrich xîtabî Netanyahû kir û got: "Nabim parçeyekî hikûmeta ku bêyî tunekirina Hamasê û vegerandina rehîneyan, pêşnûmeya agirbestê ya hatiye pêşniyarkirin qebûl kiriye.”