Ugandayê gef li Tirkiyeyê xwar
Sererkanê Ugandayê, Muhoozî Kainerugaba, di parvekirinên xwe yên medyaya civakî de ji bo Îsraîlê piştgirî nîşan da û derbarê Tirkiyeyê de bi zimanekî tund daxuyanî da.
RûpelNews - Kainerugaba di parvekirineke li ser hesabê xwe yê Xê de diyar kir ku ew "amade ye 100 hezar leşkerên Ugandayî seferber bike" ji bo piştgiriya Îsraîlê. Di parvekirinên xwe de, wî ev helwest li ser bingeha "nasnameya Xiristiyanî û têkiliyên bi Îsraîlê re" rewa nîşan da.
Wî ragihand ku ew ê li kêleka Îsraîlê bisekinin
Kainerugaba, yê ku diyar kir ku artêşa Ugandayê dikare piştgiriyê bide Îsraîlê, her wiha anî ziman ku divê pevçûnên li Rojhilata Navîn bi dawî bibin. Lêbelê, wî diyar kir ku ew ê li hemberî gotarên ku wî wekî gef li ser Îsraîlê didît, li gel Îsraîlê bisekinin.
Ji Tirkiyeyê yek milyar dolar xwest
Kainerugaba di parvekirineke cuda de derbarê Tirkiyeyê de jî axivî. Kainerugaba, Tirkiyeyê wekî "pirsgirêka rastîn" bi nav kir û got ku eger pirsgirêk neyên çareserkirin, di nav 30 rojan de têkiliyên dîplomatîk dikarin bên qutkirin. Kainerugaba got ku eger Enqere milyarek dolar nede Ugandayê, ew ê têkiliyên dîplomatîk qut bikin.
Tê ragihandin ku artêşa Ugandayê ji nêzîkî 45 hezar serbazên çalak pêk tê û xwedî şiyanên leşkerî yên cihêreng e. Her wiha tê zanîn ku welat beşdarî hin hevkariyên ewlehiya herêmî dibe.
