Tirkmenîstanê derziya Koronayê kir mecbûrî

PeyamaKurd – Li welatê Tirkmenîstanê yê ku heta niha tu kes bi nexweşiya Koronayê neketiye, dewletê derziya Koronayê kir mecbûrî.

Tirkmenistanê heta niha qet negotiye kesek ji wan jî bi vîrusa Koronayê ketiye. Lê heman Tirkmenistanê niha biryar da ku bi ser temenê 18an de divê her kes derziya Koronayê li xwe bide.

Li Tirkmenistanê du derziyên Rûsyayê û du jî derziyên Çînê ji bo lêdana mirovan hatine erêkirin. Lê Tirkmenistanê ji bo dinyayê qet ranegihandiye ku heta niha kesk bi vîrusê ketiye.

Li Tacikistanê jî derzî mecbûrî ye. Li Rûsya û Kazaxistanê ji bo hin kategoriya mirovan derzî mecbûrî ye.