Tirkiyê êrîsî baregehên hêzên Sûriyê yên li Grê Spî kir

PeyamaKurd - Ji aliye Artêşa Tirkiyê ve, baregehên hêzên Sûriyê li rojavayê Girê Spî ya Rojavayê Kurdistanê hat topbarankirin û di encamê de 7 serbaz birîndar bûn, hin serbaz jî hatin kuştin.

Li gor zanyariyan, Artêşa Tirkiyê do piştî nîvro gundên Kubirlik, Bîrkit û Xirbet Saronc yên rojavayê bajarê Girê Spî ya Rojavayê Kurdistanê mûşekbaran kirin û di encamê de 7 serbazên Artêşa Sûriyê birîndar bûn.

Li gor Rewangeha Sûriyê ya Mafên Mirovî ragihand, ji bilî wan 7 birîndaran, hin serbazên Sûriyê jî hatine kuştin.

Piştî rêkeftina Soçî a di navbera Tirkiye û Rûsiyayê de, hêzên rêjîma Sûriyê li gelek navçeyên sînorî yên bi Tirkiyê re belav bûn.