Tirkiyê bi kêmanî 2 hezar çekdarên Sûriyê sandine Lîbyayê!

PeyamaKurd- Tê gotin ku Tirkiyê ji bo ku li dijî hikûmeta general Xelîfe Hefter şer bikin bi kêmanî 2 hezar çekdarên Sûrî derbasî Lîbyayê kirine.

Rewangeha Mafê Mirovan a Sûriyê  ku navenda wê li Brîtanyayê ye, ragihandiye, Tirkiye li ser şandina hêz û çekdarên Sûrî bo Lîbyayê berdewam e û duhî jî 260 çekdarên Sûrî şandin Lîbyayê.

Wê dezgeha mafên mirov daye zanîn, bi giştî Tirkiyê di heyama çend rojên borî de herî kêm 2 hezar çekdarên Sûrîyê şandine Lîbyayê da ku li kêleka hikkûmeta Fayîz Serrac li dijî hikûmeta Xelîfe Hefter şer bikin.

Tê gotin ku ew çekdarên Sûrî li hember wergirtina dirav û mûçe diçin Lîbyayê şer dikin.