Tîma futbolê ya ji Kurdan pêk tê SKYS Blacktown Workers Club rêza xwe ya yekem diparêze

PeyamaKurd – Tîma futbolê ya Kurdên bajarê Sidney a Avûstralyayê SKYS Blacktown Workers Club, ku nêzîkî du salan e hatiye damezrandin, di demsala îsal de rêza xwe ya yekemîn diparêze.

Serokê tîma SKYS Blacktown Workers Club Umêd Jolan dibêje, ji ber Korona hinek çalakiyên me kêm bûne, herwiha hemû hevalên me hatine agahdarkirin, da ku kesê nexweşiyeke sivik jî di wan de hebe, beşdarî çalakiyan nebin.

Ev heyşt heyv e SKYS Blacktown Workers Club di koma xwe de rêza yekem de cîh digre. Heta niha nîvê demsalê xelas kirine û nîvê wê maye û roja 23yê Tebaxê, li gel Marsden Park yariyê dikin.