Tenduristiya Hewlêrê: Lêdana derziya Koronayê berdewam e...

PeyamaKurd – Tenduristiya parêzgeha Hewlêrê, bang li welatiyan kir û diyar kir, lêdana derziya Koronayê berdewam e ji ber wê jî bila welatî navê xwe tomar bikin.

Li gor rêveberiya tenduristiya Hewlêrê daye zanîn, proseya lêdana derziya Koronayê li parêzgeha Hewlêrê berdewam e û vê carê derziya Çînî ya “SINOPHARM” li welatiyan tê dayîn.

Tenduristiya Hewlêrê herwiha bang li xelkê Hewlêrê kiriye, da ku li ser malpera Wezareta Tenduristiyê navê xwe tomar bikin û li benda dora xwe bin.

Herî dawî Tenduristiya Hewlêrê bang li wan kesên ku derziya Fayzer jî li xwe dane kiriye, hefteya bê xwe amade bikin bo lêdana doza duyem.