Tê pêşbînî kirin ku zêr biha bibe
ANZ Banking û Goldman Sachs raportên pêşbîniyê yên li ser bihayê zêr weşandine. Her du bankeyan diyar kirine ku bihayê zêr dê bilind bibe.
RûpelNews - Tevî ku şerê li Rojhilata Navîn bazaran dihejîne, banke, di nav de ANZ Banking Group û Goldman Sachs, li bendê ne ku bihayê zêr di demeke dirêj de baş bibe.
Analîst wek sedemên sereke yên geşbîniya demdirêj, daxwaza xurt, nediyariyên jeopolîtîk ên berdewam, hêviyên kêmkirina rêjeyên faîzê ji aliyê Rezerva Federal a DYAyê (Fed) ve û hewldanên dûrketina ji sermayeyên bi dolar tên binavkirin.
Di noteke ku ji aliyê analîstên ANZê Soni Kumari û Daniel Hynes ve hatiye weşandin de, hat pêşbînîkirin ku dê bankayên navendî vegerin ser kêmkirina rêjeyên faîzê ji ber ku hevsengiya makroekonomîk a di navbera mezinbûn û enflasyonê de xirab dibe, û ku dê bi demê re bihayên baş bibin. Saziyê pêşbîniya xwe ya ku dê bihayê zêr heta dawiya salê bigihîje 5 hezar û 800 dolarî ji bo her onsê, parast.
Lêbelê, analîstên Goldman Sachsê Lina Thomas û Daan Struyven hişyarî dan ku eger astengî li Tengava Hurmuzê bidomin, zêr dikare rûbirûyê rîskên daketinê yên taktîkî yên demkurt bibe. Lêbelê, bankeyê destnîşan kir ku pevçûneke demdirêj dikare guherîna ji sermayeyên kevneşopî yên Rojava lez bide, ku ev yek jî di encamê de dikare di demeke dirêj de piştgiriyê bide bihayên zêr.
