Sûdanî bi sanda Pentagonê re civiya

PeyamaKurd – Serokwezîrê Iraqê Mihemed Şîa Sûdanî bi şanda Wezareta Berevaniya Amerîkayê (Pentagon) re civiya û derbarê bidawîkirina erkê hevpeymaniya navdewletî ya şerê li dijî DAIŞê û başkirina pêwendiyên dualî di navbera Iraq û Amerîkayê de gotûbêj kir.

Li gor daxuyaniya Serokatiya Sererkaniyê, Sûdanî îro bi heyeta Wezareta Parastinê ya Amerîkayê (Pentagon) ya bi serokatiya Alîkarê Misteşarê Wezareta Parastinê ya ji bo Polîtîkayên Rojhilata Navîn Daniel B. Shapiro civiya.

Di hevdîtinê de bidawîhatina erkê hevpeymaniya navdewletî ya şerê dijî DAIŞê û pêşxistina pêwendiyên dualî di navbera Iraq û Amerîkayê de hat nirxandin.

Wezîrê Berevaniya Iraqê Sabit Abbasî ragihand ku ligel Daniel B. Shapiro û şanda pê re li ser mijarên hevbeş ên her du welatan gotûbêj kirine.