SOHR: Milîsên Dîfa Wetenî pezê ku DAISê dizîbû kiriye û li bazaran difirose

PeyamaKurd – Hate ragihandin ku xwediyên pezên çekdarên DAIŞê li herêma rojhilatê Helebê û başûrê Reqayê dizîbûn û ji aliyê milîsên girêdayî hikûmeta Şamê ve ji DAIŞîyan hatine kirîn û li bazaran jî cardin têne firotin.

Çekdarên DAIŞê li çolistana Sûriyeyê û deverên Reqayê yên di bin kontrola hêzên Sûriyê de êrîşî şivanan dikin û heta niha bi hezaran seriyên pez dizîne û gelek şivan jî kuştine.

Piştî ku xwediyên wan sewalan firotina li bazaran a pezê xwe eşkere kirin, Çavdêriya Mafên Mirovan a Sûriyeyê (SOHR) jî piştrast kir ku çekdarên "Dîfa Wetenî" yên bi ser rejîma Sûriyê ve, ew pez ji çekdarên DAIŞê kirîne û li sûkan firotine bazirganên sewalan.