SOHR: Di êrîsa HTSê de 10 leskerên sûrî hatin kustin

PeyamaKurd – Wezareta Bergiriyê ya rejîma Sûriyê ragihand ku di encama êrîşeke mezin a çekdarên Heyet Tehrîr Şam (Nûsra ya berê) li ser xalên artêşa Sûriyê de, şer û pevçûnên dijwar rû dane.

Wezaretê daye xuyakirin ku komeke çekdarên HTŞê li ser xalên artêşê yên Kefer Eme ya li rojhilatê Etarib a li rojavayê Helebê, êrîşeke mezin pêk anîne û hêzên artêşa Sûriyê bersiv daye.

Li gorî medya fermî ya Sûriyê di şer û pevçûnan de 11 çekdar hatine kuştin.

Çavdêriya Mafên Mirovan a Sûriyeyê (SOHR) jî derbarê êrîşê de ragihand ku di encama şer û pevçûnê de 10 leşkerên Sûriyê û hejmarek çekdarên HTŞê hatine kuştin û 16 jî birîndar bûne.