Silêmanî | Di depoya teqemenî û çekan de teqîn çêbû

PeyamaKurd - Îro Yekşemê ji ber i nehiyeya Tasluce ya Silêmaniyê, di embareke çek û teqemeniyan de teqîneke mezin çêbû.

Hat zanîn ku di depoyeke çek û teqemeniyan a Yekîneyên 70 yên Pêşmerge li nêzîkî Teslûcê de teqînek pêk hatiye û tîmên bergiriya şaristanî çûne cihê bûyerê û hewl didin rewşê kontrol bikin.

Fermandarê Giştî yê Hêza 70 Mistefa Çawreş ragihand, “Îro komgeheke hêzên me li Silêmaniyê teqiya, lê heta niha sedema teqînê nehatiye zanîn. Ji bo lêkolînkirin di bûyerê de were kirin, me komîteyek pêk anî û piştre encamên lêkolînê belav dikin.”

Li gor zanyariyan çekên ku bi kar nehatine dema ji depoyê hatine derxistin teqînek çêbuye û agir bi wê embara çekan ketiye.