Serokwezîrê Herêma Kurdistanê bi Wezîra Karên Derve ya Brîtanyayê re civiya

PeyamaKurd – Serokwezîrê Herêma Kurdistanê Mesrûr Barzanî di serdan xwe ya Brîtanyayê de ,bi Wezîra Karên Derve ya Brîtanyayê Liz Truss re civiya.

Hat ragihandin, di civînê de rewşa giştî û proseya siyasî ya Iraqê û hewlên pêkanîna kabîneya nû ya hikûmeta Iraqê û guherînên herî dawî yên navçeyê û pêşvebirina pêwendiyên Herêma Kurdistanê û Brîtanyayê hatin gotûbêjkirin.

Herwiha hat zanîn, pêwendiyên Herêma Kurdistanê û hikûmeta federal û girîngiya çareserkirina kêşeyan li ser bingeha destûrê, mijarên din ên civînê bûn.